Sejarah Teh

Teh lan Khasiyate

Ngombe teh mono wis memasyarakat ing ngendi-endi papan. Ora trima ing kutha wae, nanging uga ing karang padesan. Awit ing warung-warung cilik uwis mesti sumadhiya wedang teh sakliyane wedang kopi utawa yen durung rada gedhe ya wedang susu.

Ing masyarakat jepang dikenal anane tradisi teh sing Chado. Ing tradisi chadi iki, wong-wong sing bebarengan ngombe teh manggon ing anggonan khusus sing sepi lan tinata asri. Alat-alat sing digunakake kayata cangkir lan mangkok sing prasaja nanging nduweni nilai seni lan mutu sig apik. Malah carane ngecom teh lan ngracikteh uga nganggo cara sing prasaja lan tradisional, yaiku kanthi ngesoki mangkok gedhe sing uwis diwenehi teh (serbuk) nganggo banyu panas. Kamangka ing Jepang wis ana teh celup sing praktis.

Beda maneh cara ngombe teh sing dilakoni dening masyarakat dhaerah Tegal lan Pekalongan. Ing dhaerah iki masyarakate seneng banget ngombe teg Gi-tel, Legi tur Kentel. Lan rasane rada –rada sepet nanging oara pait. Banyu teh iki mengko banjur disok ing cangkir-cangkir lan banjir diwenehi gula batu.

Sejarahe Teh

Sejarahe teh dadi omben-omben sing enak lan nyegerake ing antarane yaiku :

Ø  Kisahe Shen Nung

Shen Nung sawijining Kaisar negara Cina kang urip udakara taun 2737 sadurunge masehi. Kaisar Shen Nung dikenal minangka Bapak Tanaman Obat-obatan Tradisional Cina. Biyen kabare , sang kaisar Shen Nung lagi ngresiki kebonane  karo nyambi nggodog banyu ing sangisore wit kang ngrembuyung godhonge. Lan kanthi ora sengaja , ana godhong ceblok pas nyemplung ing sajrone banyu sing lagi digodhog mau. Lan nalika sang kaisar ngombe banyu godhongan mau, jebul rasane luwih sedep lan awake dadi luwih seger. Jebul godhong sing ceblok ing banyu godhongan mau pranyata godhonge wit teh. Ya wiwit kuwi teh banjur dikenal masyarakat kadidene omben-omben sing rasane seger.

Ø  Kisah Daruma

Yen kisah sejarahe sing ditemokake dening kaisar Shen Nung iku kisah saka negara cina, lha yen kisahe Daruma iki saka Jepang. Daruma iku sawijining pendheta agama Budha sing urip udakara taun 520 masehi. Mnaut legend , wit teh sing sepisanan asale saka tlapukane Daruma. Bab iki kedadeyan nalika sang Pendheta Daruma nedheng-nedheng nglakoni tapa brata, ndadak tanpa disengaja dheweke keturon. Nalika tangi dheweke dadi muring-muring. Supaya ora turu maneh nalika tapa , pendeta Daruma banjur ngethok tlapukan mripate sing banjur dibuwang. Ora suwe ing tilas tlapukan mripate Daruma sing dibuwang mau thukul tetuwuhan sing banjur dekenal kedadeane wit teh.

Ø  Kisah Lu Yu

Yen kisah Daruma lan Shen Nung ingdhuwur mambu-mambu mitos lan legenda, kisah Lu Yu iki bisa diarani rada ilmiah. Lu Yu iku sawijining priya terpelajar ana ing negara Cina sing duk nalika taun 780 kasil nglumpukake lan mbukokake penelitiane ngenani guna lan paedahe Teh. Dadi literatur. Literatur mau diwenehi irah-irahan yaiku Ch’a Cing utawa The Classic of Tea.

 Guna Kasiate Teh

Teh sing mujudake omben-omben seger lan sedhep iku pranyata ngandut zat utama telu, yaiku kafein,lenga asri iku zat , lan tanin. Kafein iku zat sing bisa ndadekake awak dadi seger, dene yen lenga asiri iku zat sing ndadekake teh nduweni aroma (ambu) sing sedhep. Lha sing mbebayani iku zattanine. Awit zat tanin iki bisa nipisake usus marga tanin iki bisa nggerus usus. Siki coba dibayangake , lha wong kulite kebo wae yen digosok nganggo zat tanin iki bakal dadi alus kaya kulit sepatu. Mula yen ngecom tem nganggo banyu umob ora oleh luwih saka 5 menit. Iki kanggo njaga supaya zat tanine ora akeh-akeh sing melu larut ing banyu comcoman.

Ngombe teh pirang-pirang gelas saben dina ora bakal mbebayani  yen carane ngecom teh wis bener kaya sing kaatur ing dhuwur. Lan maneh wong kepengin ngombe teh uga kudu ngerti kondhisi lambunge. Yen lambunge isih durung kuwat (upamane bubar lara tipes utawa maag) bisa-bisa wetenge banjur mules-mules. Nanging yen wonge sehat-sehat wae lambunge lan carane ngecom teh wis bener, ngombe teh pirang gelas wae ora bakal mbebayani. Malah bakal bisa nyegah kanker lambunng lan nambani wong sing kangelan bebuwang.

Itaro Oguni saka Uneversitas  Shizokuoka kasil mangerteni yen ing zat tanine teh ana zat epigallocatachin-galat sing bisa nyegah kanker lambung lan kanker tenggorokan . Ing  uga ngandhut daya diuretik sing gedhe banget sing bisa ndadekake wongkemringet lan banjur keplayu menyang jedhing amarga kebelet bebuwang.

Mula ngombe teh becike dikulinanake wiwit cilik. Yen bisa uga saben dina, saben ngelak lan yen saben nyuguh tamu. Aja ngombe teh yen lagi pengin wae! Awit wong-wong Jepang saka propinsi Shizuoka wis mbuktikake yen pakulinane ngombe teh saben dina iku bisa nyegah penyakit kanker lan tumor. Bab iki wis dititi dhewe dening Itaro Oguni sing yakin yen wong-wong Shizuoka sing nduweni kareman ngombe teh saben dina iku pranyata jarang kena penyakit kanker lambung lan tumor tenggorokan tinimbang wong-wong saka propinsi liya sing ora nduweni kareman ngombe teh.

Nuwun,

Sumber Saka (Tri Wahyuni) Panjebar Semangat oktober 2000.