Kembang Liman

Dening Abdi Dalem Sepuh Bangsal trajumas Keraton Ngayogyakarta.

Kembang Liman yaiku sesajenan awujud kembang werna lima. Muturut Abdi dalem keraton Jogja, sajen kembang lima kuwi diciptakake lan ditradisiake marang salah sawijining Walisanga yaiku Sunan Kalijaga sing urip ana limang jaman yaiku (Majapahit, Demak, Pajang, Mataram kuno, lan Mataram Islam)

Sajen kang awujud kembang kuwi yaiku kembang kenanga, mawar abang, melati, kantil putih, kantil kuning. Dening Sunan Kalijaga kelima jenis kembang kuwi dipilih udu ora ana gegayutane karo lelembut. Nanging Sunan Kalijaga yaiku salah sawijining walisanga nduweni kapinteran kanggo nggabungake budaya Hindu karo Budaya Jawa.

Miturut abdi dalem Keraton Jogja, kelima werna kembang kuwi nglambangake Rukun Islam.

Kembang 5 werna yaiku :

1.             Kembang Kenanga

Yaiku kembang kang nglambangake rukun Islam kaping siji yaiku Syahadat. Kenanga kajupuk swara mburine dening Sunan sing dadi Kenongo: Kenong/Kenang. kudu di eling utawa ngenang utawa di genggem nganti tumekane pati.

2.             Kembang Mawar Abang

Kembang mawar kuwi nglambangake sholat lima waktu kang dadi rukun islam keloro. Sholat kudu dilakoni merga dadi kewajibane umat islam. Ana kene  warna abang nglambangake getih kang mesti dibutuhake dening manungsa kang mujudake keimanan dhumateng gusti Alloh. Godhong kang ana gagang nglambangake jumlahe sholat wajib lan sholat sunnah, lan eri sing ana gagang nglambangake alangan utawa angele  nindhakake sholat nadyan namung pirang menit saben nindhakake sholat.

3.             Kembang  Melati

Kembang Melati yaiku kembang sing warnane putih, Warna putih dadi simbol nyucikake jiwa manungsa marang dosa lan kelakuan ala. Banjur Kembang Melati sing suci nggayutake rukun islam kaping telu yaiku Nindhakake Puasa. Kuncup kembang melati ngibaratake manungsa kang nindhakake puasa kaya-kaya lair maning dadi jiwa kang putih suci kaya putihe kembang melati. Sajroning Puasa manungsa kudu nahan nafsu dunia sing dilambangake kuwate kuncup melati yaiku nglindungi kepala sari lan putik kembang melati.

4.             Kembang Kantil Putih

Kembang kantil ana bahasa jawa yaiku kumantil utawa melu. Dadi Sunan Kalijaga nglambangake kembang kantil karo rukun islam kaping papat yaiku nindakake zakat. Putihe beras dilambangake putihe kembang kantil. Putihe kembang sing ora diwajibake marang manungsa kang durung mampu.

5.             Kantil kuning

Kembang kantil kuning nglambangake rukun islam kaping lima yaiku nindhakake Haji utawa munggah haji. Nindhakake Haji yen syarat-syarate uwis cukup yaiku Mampu . (Kuninge emas nglambangake kuninge kembang kantil), yen wong muslim kang uwis mampu kudu kantil utawa kumantil kanggo nindhakake haji.

Kembang kang lima werna kuwi dilakokake dening Sunan Kalijaga kanggo ngajarake Islam marang masyarakat sing ora mangerteni wacanan lan basa verbal. Sajen kang duwujudake agama Hindu  banjur Sunan Kalijaga nggabungake ajaran kanggo pemahaman sajroning sajen.

Kembang Liman utama sajen taksih dienggo sing digletakake ana pojokan bangsal trajumas Keraton Jogjakarta.

Nuwun. 

Diposake marang Jaka Umbaran

http://sukmocinarito.blogspot.com/2009/06/sajen-sebuah-arti-akulturasi.html