Tata Krama "Njaluk
Sangu"
Kasorot cahya saka wetan sing tumeka
ngintip-ngintip. Kelewat wayah rahina sing ginanti pepadhangan nyekseni
kedadean ngarep umahe Pak Darman. Dina iku Saraswati lagi ngadheg ana ngarep
lawang anyar saka kayu jati mburitan umaeh. Pak Darman saiki pancen
lagi kawentar banget ana kampung merga sugih dadakan, yaiku kabageyan warisan
sing ora sithik saka mbaeh. Ana latar saras mandhengi bapake lan mboke. Banjur
ngelingake wolung tahun kepungkur kira-kira dheweke lagi kelas 3 Sekolah
Dasar.
Srengengene wus manasake ati. Umob kepengin
boneka Doraemon anyar sing katon ana sawijining toko nang Pasar Minggu. Sinambi
mlaku-mlaku ngethutake mboke sing mblanjani sayuran. Kaya-kaya Saras ngempet
barang sing dikepingini kuwi. Nganthi digawa bali, tekan umah Saras ngarep-ngarep
banget. Sesuke wayah mangkat sekolah banjur medhek bapake alon,
“Pak aku mangkat sekolah.” karo nyalami astane bapake.
“Iya ndhuk, sinau sing pinter ya.” Pak Darman ngendhika.
“Pak aku, aku arep njaluk.” karo ngadheg Saras
diwanekake.
“Njaluk apa ndhuk? lah apa dhuwit sangu sing wingi uwis enthek ?
Dadi bocah wadon kuwi aja boros-boros ! kudu bisa ngati-ngati anggone tetuku.
Yen ora perlu ya ora usah ditukuni. Tuku jajan bae aja nggo tukuni
dolanan, kowe kuwi uwis gedhe ndhuk !” Pituture Pak Darman.
Saras ndhingkluk ora wani mandheng pasuryane
Bapake sing pas nang ngarepe. Banjur ngadhep mburi. Mlayu karo sesenggrukan
nangis. Merga tembe siji kuwi dheweke njaluk sangu. Biyasane Bapake sing marani
lan ngewei sangune dudu dheweke.
Wiwit kuwi Saras ora tau maning njaluk sangu,
lan trima diwei Bapake sepiraa ya ditampani. Nanging munggah kelas Papat Saras
uwis ngerti apike nggunakake sopan-santun lan Tatakrama. Lan wis mulaih biyasa
dienggo ana umah lan lingkungane.
Saiki Saras nyoba njaluk dhuwit.
“Aku esih kelingan nalika ing pelabuhan, kowe janji lunga ora
ana sewulan, ah nanging saiki wis luwih ing janji, nyatane kowe ora bali-bali“
Keprungu tetembangane didi kempot saka lathine Pak Darman. Banjur
nekad marani bapake merga kelingan kancane Maya, Adinda lan Nabila.
“Lho, bapak saweg napa tho ?” Pitakone Saras.
“Lagi ngresiki mobil ki ndhuk.” Jawabe lirih.
Panas kecantol cahya karasan ing awake, Saras nuruti apa sing dipikkir, banjur mlayu ana pawon kanggo nggoleti bubuk ireng lan banyu panas. Disogake
ana cangkir banjur di jogi banyu saka tremos. Di kudek, ditutupi lan ditataki
lambar.
“Menika Pak wedhang kopinipun.” Saras nidhoki.
“Loh apa kuwi ndhuk ?” Bapake bingung.
“Monggoh dipununjuk rumiyin pak.” Prentahe
“Iya ndhuk, kok ora tau-taune ngono ndhuk, apa lagi ana sing
dikarepake?” Pak Darman ngadheg curiga.
Lumampah marani meja lan njagong ana lincake. Sikate di gletakake
lemah.
“kula badhe ngomong sakedhik pak.” Saras marani isin.
“ya wis, ngomonga !”
“Sedherengipun nyuwun ngapunten pak, kula menika badhe nyuwun
arta” Saras ndhingkluk sinambi klitak-klitik jrijine.
“Lohh, Iku sing kok arep diomongke.” Bapake njagong ana lincak.
Wit gedhang sing nang ngarepe nangis mbrebes
merga kebeset githing sing dicekel saras ngantek katon tumetes
banyune. Saras wis ndredheg atine wedi mbok diomongi kaya mbiyen.
“Apa dhuwit sing jatah kanggo seminggu wis enthek ?”
“Dhereng pak.” Saras njawab lirih
“lah arep dinggo apa?” Pitakone.
Kelorone meneng sedhela.
“Owh, ya wis. “ Pak Darman ngrogohi sak mburi.
Lepekan ginaris lan jliji sing genep lima kuwi
mingkup. Ngawehake barang marang ngarepe saras. Jebul kaisi
tekukan dhuwit warna Abang saklembar.
“Inggih matur nuwun sanget pak.” Saras nampani, Lumampah alon
sinambi katon mringis. Kadheleng Verna saka mburine sing lagi nyapu pelataran.
“Ning Pelabuhan Tanjung mas kene mbiyen aku ngeterke kowe, ning pelabuhan semarang kene aku tansah ngenteni
kowe”
Pak Darman nembang sinambi nglanjutake
pegaweyane maning, wis kecekel selang sing dipancur-pancurake Mobile. Godhong
gedhang njoged-njoged kasempyak angin saka laut kidul. Kaya-kaya melu seneng
ndheleng polatane Saras sing esuk kuwi lagi prei sekolah, mlayu mlebu kamar
kanggo ganti klambi banjur mak klebat menyang pasar kanggo Tuku Boneka Doraemon
lan liya-liyane sing lagi ana promo diskonan.
